အဆိုပါ အခမ်းအနားတွင် မင်္ဂလာမြန်မာမှ ဒါရိုက်တာများဖြစ်သော ဒေါက်တာဖုန်းဝင်း နှင့် ဒေါ်ယူဇာမော်ထွန်း၊ နော်ဝေနိုင်ငံ University of Oslo မှ ပါမောက္ခချုပ် Professor Ole Petter Ottersen နှင့် Professor Espen Bjertness တို့တက်ရောက် လက်မှတ်ရေးထိုးခဲ့ကြပါသည်။
မင်္ဂလာမြန်မာ နှင့် University of Oslo တို့သည် အဆိုပါ လက်မှတ်ရေးထိုးပွဲ၏ သဘောတူညီချက်အရ သုတေသနပြုလုပ်ခြင်း၊ ဟောပြောပွဲများ ပြုလုပ်ခြင်း၊ ၀န်ထမ်းများ၊ ကျောင်းသာများ နှင့် သတင်းအချက်အလက် ဖလှယ်ခြင်းတို့တွင် ပူးပေါင်းဆောင်ရွက်သွားကြမည် ဖြစ်ပါသည်။
ထိုပြင် Oslo တတက္ကသိုလ် နှင့် မြန်မာနိုင်ငံရှိ တက္ကသိုလ်များ၊ အခြားအသင်းအဖွဲ့များ နှင့် ပူးပေါင်းဆောင်ရွက်နိုင်ရန် စီစဉ်လျက်ရှိပါသည်။ ထို့ကြောင့် မင်္ဂလာမြန်မာမှ Oslo တက္ကသိုလ် နှင့် မြန်မာနိုင်ငံရှိ အထင်ကရ တက္ကသိုလ်များဖြစ်သော ရန်ကုန် တက္ကသိုလ်၊ ရန်ကုန် ဆေးတက္ကသိုလ်-၁၊ အမျိုးသားစီမံခန့်ခွဲမှု ကောလိပ်၊ ရန်ကုန်စီးပွားရေး တက္ကသိုလ် နှင့် ပြည်သူ့ကျန်းမာရေး တက္ကသိုလ် တို့ ပူးပေါင်းဆောင်ရွက်နိုင်ရေးအတွက် ကြားခံဆောင်ရွက်ပေးလျက် ရှိပါသည်။ မကြာမီရက်ပိုင်းအတွင်းတွင်လည်း သက်ဆိုင်ရာ ၀န်ကြီးဌာနများ နှင့် တွေ့ဆုံဆွေးနွေးနိုင်ရန် မင်္ဂလာမြန်မာမှ ညှိုနှိုင်း ဆောင်ရွက်ပေးလျက်ရှိပါသည်။
No comments:
Post a Comment